सभासदाचे हक्क अथवा अधिकार कोणते आहेत? तसेच जबाबदारी कोणती आहे?

सहकारी गृहनिर्माण संस्थेच्या सभासदास खालील अधिकार / हक्क सभासदत्व मिळाल्यावर प्राप्त होतात:

१. सर्वसाधारण सभेत उपस्थित राहण्याचा अधिकार प्राप्त होतो.

२. थकबाकीदार नसल्यास संस्थेच्या व्यवस्थापक समितीच्या निवडणुकीस उमेदवार म्हणून अर्ज भरण्याचा अधिकार आहे.

३. कायद्यातील कलम ३२(१) नुसार सभासदास सबंधित हिशोब पत्रके व कलम ३२(२) मध्ये नमुद इतर कागदपत्राचे निरीक्षण करण्याचा व त्याच्या प्रती मिळविण्याचा हक्क प्राप्त होतो.  

४. संस्त्यांथेच्च्याया उपविधीप्रमाणे सदनिकेचा ताबा व  उपभोग घेण्याचा हक्क प्राप्त होतो.

५. सहसभासद / नाममात्र सभासद करण्याचा अधिकार प्राप्त होतो.

६. उपविधी / पोटनियमांची प्रत मिळविण्याचा हक्क सभासदास मिळतो .

७. वारस नोंद करण्याचा अधिकार

८. सदनिका हस्तांतरित करताना ना हरकत दाखला मिळण्याचा अधिकार.  

९. संस्थेच्या निवडणुकीस मतदान करण्याचा हक्क प्राप्त होतो.

१०. शेअर सर्टिफिकेट / भाग दाखला मिळण्याचा अधिकार असतो.

११. दिलेल्या रकमांच्या पावत्या मिळण्याचा अधिकार.

सभासदाची जबाबदारी किंवा कर्तव्य पुढीलप्रमाणे:

१) संस्थेच्या उपविधीचे पालन करणे

२) देखभाल शुल्क व इतर शुल्क वेळेत जमा करणे

३) संस्थेच्या वार्षिक सर्वसाधारण, विशेष सर्वसाधारण सभेस उपस्थित राहणे

४) संस्थेच्या नियमांचे पालन करणे, संस्थेच्या हितास बाधा होईल असे कृत्य न करणे.

५)  सभेत नियमांचे पालन करणे

६) सदनिकेची देखभाल व्यवस्थित करणे.

७) इतर सभासदांना त्रास होईल असे कृत्य टाळणे.

८) सदनिका हस्तातरण करण्यापूर्वी संस्थेला किमान १५ दिवस अगोदर पत्राद्वारे कळविणे आवश्यक आहे.

९) सदनिका किंवा गाळा गहाण ठेवण्या अगोदर संस्थेची पूर्व परवानगी घेणे.

धन्यवाद!

श्री. सचिन जगताप

फो.नं : ९८२३३६९९०१/ ९७३०५७५८६८